胡錦濤係邊個?

胡錦濤係邊個？

本學年度之新高中學制的中六生，必須修讀通識科，但其中有很多從電視、報章或雜誌都能知悉的時與事，居然大多都不知道，對通識教育著實諷刺得很。

教育局所推行的種種新政，無他都是濫竽充數的產物，完全沒經深思熟慮，不論是德育或國民教育科，為求逢合上意，拖拖拉拉地填充於在位的時間，好讓自己安安穩穩夠鐘收工，然後拍拍屁股走人。

一間升學機構於十月和十一月期間，成功收到約一千份由中六及中七生交回的有效問卷，以了解港生內地升學問題。調查發現，有多達一成五的受訪中六及中七生，不知道現任國家主席是胡錦濤；另有百分之八誤以為是江澤民、百分之五誤以為是溫家寶、百分之二誤以為是王光亞。此外，調查又指逾九成受訪學生不知道中國有多少個省份。

據調查單位指出，連國家主席係胡錦濤都唔識，著顯學生對國家的認知、對時事的敏感度和對基礎知識的嚴重不足。

話時話，香港教育真的好失敗，回歸已十多年，學生哥讀了那麼多年書，居然連亞洲第一大阿哥都唔知，你說笑唔笑死人吖！通識通識，通通都唔識就真，如果你話不知道副局長是誰，冇人會怪你無知，事關香港甚麼嘅副局長或助理係好受人寵愛，一個二個都好似受到保護咁，唔係潛水就係隱形。

冇人知佢哋係邊度、做乜嘢；更不知道他們到底係乜水。好似現今的共產黨，為人民服務，都已變成共你產的黨和為人民幣服務了，這個不識是可以理解的，但連國家主席嘅大名都答唔出，就真係大件事囉！

在這裡有一篇由學生哥寫的打油詩習作，希望當官者能知道學生對教育的要求和失望的一些心態！否則難免有一日，他們會說：「中國沒有共產黨」。

學校要通識，你話識就識？
上課聽唔識，搗蛋多款式，
自修一樣識，睬你都生積！
測驗真夠激，居然無題識。

返學為咗乜，成日被遭質，　
功課都係抄，一係就唔交，
上學等放學，放學飲可樂；
打鐘各自飛，咁就又一Day。

生係中國人，死係中國魂，
要我學英文，梗係無可能，
要我學國語，又唔係母乳！
學咗會點樣，一樣無得讓。

英語唔合格，更顯我性格，
數學唔合格，老師負全責，
語文唔合格，我都無辦法，
操行唔合格，社會冇品格。

考試望天卦，心裡無牽掛！
考試考得好，全靠貓紙補，
考試考肥佬，隔離都唔好，
考試唔出貓，成積變奇蹟？

日日上堂愁更愁，老師講嘢無厘頭，
我就聽到像夢遊，次次批評無理由，
功課多到似報仇，做嘢做到似豬頭，
對住先生拋浪頭，自然不會當你流，
千祈唔好叻唔切，皆因遲早都會摺，
上堂打機 send text，放學走去做 fence，
放假快Ｄ去搵銀，冇銀係身怎會痕？
媾女要媾有錢女，唔係成世被佢累，
做人夠竟為咗乜，會唔會忽然就得！
唔識唔識話唔識，唔會話忽然就識！

2011年11月28日下午1:35

公開累積瀏覽 143