2013年9月22日星期日

香蕉露芙 Banana Loaf



香蕉露芙 Banana Loaf

問問大家,有冇聽過香蕉露芙呢個名字?答案一定係:「好似有啲熟悉,但又好唔記得噃。」這是因為佢啲姊妹都幾出名架,咪係叫乜乜「泡芙」咯!

咁嘅,一向以來只有叫佢做香蕉餅、香蕉蛋糕或香蕉麵包,係冇一個特定的名稱,而呢個名字係我給佢改嘅,好聽嗎?你知唔知道?長期以來這種食品都係用嗰啲放咗好耐,又或食唔哂兼太熟的爛蕉來做,俾人感覺就有點那個
……嗱!而家咁叫法係咪高貴咗好多呢?

講開又講,喺外國地方有好多西人家庭孩子也懂得做這款西餅。
那個時候你若去探人又或別人探你,通常都不會兩手空空,選擇的只有到餅店買件忌廉餅又或到士多買盒餅乾,其次多是自家做個蕉餅,況且那時的人很客氣,吃剩了更會叫客人帶點回家,因此常常有得吃,吃得多自然厭了,相信已有一段時日沒有吃過早陣子看到別人日誌寫蕉餅,我也來過見獵心喜,即時摷番當年的食譜,一看原來和這網友的做法份量差不多,加上屋企咁啱有幾隻熟蕉……

個半鐘頭後,唔講都知啦!




材料
:
軟牛油
  100g
    200g
熟香蕉
  3 ~ 4 隻(大細而定)
雞蛋
    1
麵粉
   300 ~ 320g
發粉
   兩茶匙
食用疏打粉 一茶匙
    半茶匙
玉桂粉
   一茶匙
合桃仁
   40g

做法:
1) 先將軟牛油、糖、鹽用攪拌器打起,再慢慢加入雞蛋繼續打至忌廉狀,最後並和已壓爛之香蕉、雲呢拿香油拌勻。

2)預先將焗爐紙置於長方型焗盆內。

3)將麵粉、發粉、食粉、玉桂粉過篩,然後逐漸將之加入以上漿狀物體,要輕輕的混入。再加入合桃仁(可落可不落),然後倒入長方型焗盆內。
注意:不能大力攪拌以妨起筋。

4)放入預熱170c 焗爐, 50 分鐘至1 個小時。

5)用長竹簽插入來檢測有沒有黏液,如乾身即表示焗好,取出待涼,然後從焗盆中倒出切件即可







發佈於2013年6月7日下午5:17
公開累積瀏覽 447