紐西蘭大眼雞（Alfonsino ）之一魚三味
琴日喺超市又見到呢種金目鯛，雖是冰鮮，但其新鮮度確令我無法唔買！
之前有谷友問我食後報告…
而家就同大家講下，我覺得吃呢種魚一定要大大條，最好要一公斤以上，否則啲肉不夠厚吃起刺身就不過癮了；仲有，就係因為她的「內臓六腑」大，如果唔夠大條，根本係冇乜肉食！
琴晚，我只用了半條做魚生，而另外半條，哈哈，其實係一買返嚟就急不及待起肉煎咗嚟食，而剩下的魚下欄嘢便滾了個很正很正的湯，有番茄薯仔，特別之處係煲好後隔渣，將部分的番茄薯仔放回，用大湯匙與湯水壓勻使之有綿口感覺，最後到飲的時候，煲滾再下菠菜，這就是我個人的《菠菜魚周打湯》了。
要怎麼形容這魚？
刺身十分鮮美，口感跟之前吃過的𩶘魚很相近，都是有少少爽脆，至於煎吃的又如何？係完全沒有腥味兼嫩口多汁。而那個湯又點呀？唔識講，總之就好飲到可以連喝三碗這麼多！
大眼雞一向都係煎,原來可以做魚生嗎?
回覆刪除其實我都唔肯定呢種魚是否香港人吃的大眼雞，因為呢種係深海魚，而且，大眼雞要剝皮吃而佢就唔使！
刪除紐西蘭大眼雞擁有豐厚身栽、色澤鮮豔，明目、裂咀微笑，宛若美少女，難怪令如心著迷咁，我也被吸引著。
回覆刪除你可以做傳銷喇… 平平無奇都可以變成玲瓏浮得，美艷動人，你太有才了！哈哈…
刪除應該不是香港的大眼雞，因為香港的不能做刺身，一定要熟透才可吃。
回覆刪除其實我諗都係，因為呢條魚唔使剝皮都可以吃！
刪除《周打魚菠菜湯》
刪除咁條魚隻眼又真係幾大GE=P
回覆刪除如果眼唔夠大，我又點會叫佢做紐西蘭大眼雞！
刪除嘩，咁大條，應該唔係大眼雞，做到三味都好抵噃！
回覆刪除呢一條算細㗎啦，不過都有斤幾重！
刪除我細路仔時，大家叫佢剝皮魚。當年屬廉價魚，阿媽好中意買來剝皮煲湯，鮮甜，煲好後整條放上碟，當多碟餸，醮鼓油吃，肉「鞋」，後來阿媽學來一招，先將魚煎過才煲，湯水會出現一層奶白，湯味更美。
回覆刪除以前有較多街坊潮州食店，賣的又多是剝皮魚，不同場合，大家改叫大眼雞。我偶然入街市，見今日的大眼雞不算便宜，隨便四五十蚊條，煲得湯來還要買其他餸菜，煮一餐都唔平。
如心兄那條大眼雞可以不用剝皮，如網友所言，跟香港的好像不是同一種了。
查維基【Alfonsino】，原來稱十指金眼鯛：
刪除https://bit.ly/2EX0VvQ
香港的剝皮魚／大眼雞，稱大眼鯛，又叫短尾大眼鯛、紅目鰱、木綿魚。
https://bit.ly/2VPKZlC
兩種都係鯛魚，細看至少兩大分別：
十指金眼鯛的背鰭，底窄而鰭高揚，尾鰭大分叉；
大眼鯛的背鰭，底寬長而鰭矮短，尾鰭分叉很小而齊平。
貴兄：
刪除我曾上網睇到介紹，好似又係維基，說鯛魚即係鱲魚，但我就認為金目鯛唔係，因為從外到內都盡不相似…還有，就是海域不同，我post 的那條，肉質略帶偏紅，這可和日本的又不一樣！
至於為何木綿魚賣得那麼貴，我就不得其解（我覺得麻麻好食，而且肉身也嚡口），貴兄說的四五十元一條，可能只是條小魚兒，有網友告知依家價就已五、六元一両…
亦有谷友說，尾鰭分叉叫燕尾，是公，味濃，雖不及平尾的乸好吃，但卻多人選公吃，就是因爲有濃濃的魚味！
查維基【鯛科】，過百的分類。
刪除https://bit.ly/2O2kUNK
但又話，「關於市面上所謂的鯛魚，請見正鯛」，「正鯛」（真鯛）內文，又說俗稱「……嘉鱲（臘）、沙鱲、紅鱲、赤鱲」。
https://bit.ly/2Cc0f4m
咁鯛魚即係鱲魚？我都搞唔清。不過看「正鯛」的圖，絕對沒有Alfonsino或香港大眼雞的「超大眼」。
YouTube上搵到金目鯛（Kinmedai），即係（十指）金眼鯛（Alfonsino）如何做成魚生。如果片中魚確定就係如心兄吃的那種，咁皮身肯定不是香港的大眼雞（木綿魚）了。
“Preparing Kinmedai (Alfonsino) for sushi/ sashimi”
https://youtu.be/S2_s-ExGG8s
四五十元一條的大眼雞，是兩三年前價錢，不計頭尾，魚身大約成人手掌長，這是我居所附近的街市所見，好似無見更大的，再大的可能要去大型超市找。
又，木綿魚雖分公乸，公的尾鰭兩端略尖出，但鰭身仍是有一幅扇面；金目鯛則無扇面，是偏長的分叉鰭，這是我前帖的意思。我是暫且看圖判斷，或許也有扇面尾鰭的金目鯛未給我發現。
謝謝貴兄再一次詳細的解讀…
刪除驟眼睇，同本港啲大眼雞沒有分別，可能係同一家族。但依家食魚生安唔安全呢？我朋友嘅侄仔喺美國負責劏吞拿，佢話吞拿雖然係深海魚，但好多肚裡都有蟲，叫我哋千祈唔好食添！
回覆刪除講起深海魚都有蟲害，我想這個真的會刺激了售價，而家我這邊的三文魚便已升價了很多。另外，這裡也有一種叫 “ling ”的魚，我知香港很多酒樓或酒店都會用它，因魚塊吃起來很滑兼彈口，有點像石斑，但是，這種魚的腩位差不多全都有蟲（不很多），這已是公開的秘密，就是…不知為何仍有人去買。同時，這種魚的魚鰾很貴，曬乾了如好的及大塊便要賣數百紐元一公斤，甚至會過千元也有！
刪除哇,一定好好味!我最中意飲魚湯!
回覆刪除我想飲魚湯很容易，因為有朋友是賣魚的，問他攞些魚骨腩頭就可以煲了！
刪除是否所有深海魚都可作魚生？ 紐西蘭海水較潔淨，可能那裡的魚類不會受太多感染，不會有太多蟲。
回覆刪除另外我想說的是，條魚的眼睛確是又大又圓😆
是否深海魚可以作魚生？這個我就不清楚了，但也因如此，受汚染自然少，吃起來也會放心！
刪除這條魚有一對大眼睛，初看時感到好似不甚匹配，所以到而家我至敢買來吃，哈哈，見笑了！
我們家鄉魚塘多，很多人都喜歡吃鯇魚的魚生，不過，個人不太喜歡吃生冷的飲食，
回覆刪除香港的木棉魚越賣越貴，已經少人買，在魚檔也不多見了。
以前，年輕時我就從沒想過要吃魚生，因為我認為或覺得…生的食物怎麼可吃，即使那時候七彩魚生那樣出名。後來是因為吃過生蠔，三文魚之後……嘻嘻！
刪除如心兄,今天的清真寺大屠殺是否發生在你居住的地方?
回覆刪除我住在北島，同恐襲地方的基督城相去很遠…
刪除謝謝你啊，你真有心！
世界上有不少狂人，濫殺無辜，所以真的要小心，尤其是在公開場合，。最令人憂慮的，就是一些宗教狂熱份子，會借機進行報復。
刪除其實不單止宗教狂熱分子，好多政治取向不同者，都會互相廝殺得好厲害，根本就如像戰場，我想也沒多大分別呢！
刪除宗教係，政治係，商場都係，愛情亦係……
刪除宗、政、商一般表現出來是群毆；愛情則多是幾角戀或單打獨鬥，新聞不時有報導，爭女爭仔而殺人。其實生活諸多範疇都在或攻或防的戰場裏，所謂一粒老鼠屎弄壞一煲粥，只要群體裏出現一位「強人」，要麼你做佢奴隸，要麼你推翻佢。除非個人是孤島（但無可能），否則成世人不可能都在風花雪月裏避世。法國哲人沙特（Sartre）語：別人都是地獄。
金目鯛即係大眼雞魚？
回覆刪除雖然相似，但應該不是。
刪除而兩者最大的分別，金目鯛的皮不需要剝。
人D教我睇冰鮮魚, 睇眼仔碌碌就係新鮮, 是這樣嗎? 如心兄。
回覆刪除我也有此同感, 一定要買大條先多肉好。
今晚我買左三條手巴掌大少少的倉魚, 一個人吃曬哈哈!
我揀魚都同大多人一樣，除了眼睛碌碌剔透晶瑩，仲要看看魚鰓色澤是否鮮紅…
刪除哈哈…聽你咁講原來你係隻大貓！