又係肉醬？

又係肉醬？

早兩日，買了包免治牛肉，一小半做了肉包餡子，餡不錯，但外觀就認真麻麻！

又在同一日，也買了包 mozzarella cheese，但回家後才想到成個kg，真唔知要食幾耐？

兩樣東西在手，點樣至可以消滅得到？

最近懶蟲上身，甚麽都提不起勁，曾想過乾脆做肉餅算罷，因為快靚正，煎又得，放榨菜蒸又得，再唔係喞肉丸吃湯粉亦得，誰知最後結果卻是一分為二，做了肉醬和肉包子。而動力是緣於太太的一句話：「老公，好耐冇食包包咯！」

那麼芝士又如何？

這款芝士通常是用來做 Lasagna的，既然有了肉醬，那便因利成便，只是還欠缺些ricotta cheese同lasagna pasta (麵皮)……

意粉吃多會膩，便試用包快到期，想要消滅掉的螺絲粉代替，然後在肉醬上舖滿芝士，看，焗出來是不是有些港式？

至於Lasagna就要多等兩天，待買齊材料至post出來，今晚就食住這「焗香了」的「惹火油物」罷！

註：焗香了是指有點過火的微焦

後記：
女兒不在家，少了她的份兒，那些芝士便仍剩下了不少。
現每天早上，我會放些芝士在高纖麵包上，然後放入微波爐一叮，而這頗單調的「芝士包」，哈…食落都唔錯！
又是一餐「慳掂當」？


下一篇我會post肉醬的製做方法，再之後才是Lasagna(肉醬千層麵）的登登燈櫈。