閒話家常爆爆料@港人熟悉的“羅宋湯Borsch”(一)
如果用以下的題目做一個這樣的民調:「香港人最熟悉的和最喜愛的是甚麼西式餐湯?」
我相信答案一定會是《羅宋湯》。
從十多歲起,每次行經一些西餐廳時(那時好像還未有甚麽港式茶餐廳),在門外展示出來的套餐餐牌,一定會寫著“羅宋湯”或“是日餐湯”,由於“是日餐湯”除在一些知名的餐廳食肆外,大多都做得不好,間接便成了「強逼性選擇」;時至今日,差不多所有茶餐廳、快餐連鎖店、或一些港式餐廳,這道湯已成為基本菜式,如沒有得供應反而覺得「奇怪耶你」!
反之,在眾多知名高級的西餐廳裡,偏偏就沒有這道湯譜。這湯是地地道道的港人口味,在香港已扎根了幾十年,懂得烹煮高級菜的廚師,並不一定會做得更好,《羅宋湯》就等同歌神許冠傑的歌曲一樣,是代表大部份港人的草根情懷!只要一進餐廳,就很自然會點選這道湯了……
做這款湯並不難人,要有耐心,煮的時間頗長(約兩個多小時),若想發揮更佳的效果,不妨待煮好後隔日飲用,湯味會變得更濃郁,更芳香醇美。因此,有些餐廳做法是將新做的湯加入剩餘的舊湯混入使用,每日如是的傳續下去,那厚重的味道便能得以保留,再沒有新舊之別。
另外還有一種做法,是先做好湯膽(用油爆香紅蘿蔔、洋蔥、西芹,再加入蒜蓉、茄膏一同炒至軟身後盛起備用。),當舊湯用得七七八八時,便加入適量的湯膽,同時將牛骨湯加至湯煲的三份二深度,待滾起後分先後放入其餘湯料,既可縮短烹調時間,而且仍可保留舊有的湯味,這真是一舉兩得妙法,爽!
PS:下一篇我會詳述羅宋湯的製法與份量。
哈…很想知道有沒有人話我煩,一個勁兒都把這個湯開寫了幾個帖子?
唔煩 !
回覆刪除我做第一個觀眾, 由頭場睇到尾場 !
謝謝分享!
謝謝捧場欣賞,你真的是最棒的支持者…
刪除以前有間餐廳叫椰林閣,嗰度啲羅宋湯美味香濃,但自椰林閣結業後,我去過其他餐廳,但已經揾唔番嗰種水準。
回覆刪除椰林閣我都有聽過,是港式著名餐廳,但我已忘記了它在那?真的,舊式的餐廳煮的東西大多都比較傳統!
刪除夠大煲,太好了,可以至少連續兩晚都享受到!我愛羅宋湯。
回覆刪除哈哈,說得對,每次我煲這款湯,我都一定先裝滿兩個雪糕盒,放在冰箱裹,否則還不知要喝多少天呢?
刪除以前港式茶餐廳叫冰室。
回覆刪除睇你做唔煩,自己做就煩,哈哈。
但以前的冰室好似是沒有羅宋湯?
刪除自小就喝媽媽煲的ABC湯。湯料有荷蘭薯,紅蘿蔔,洋蔥頭,雞骨雞腳,胡椒粒。你有喝過嗎?
回覆刪除你這個湯,我媽沒煮過!
刪除記得最多的是我們叫的中式羅宋,有薯仔,番茄,和去肉店買些牛肉碎…
港式羅宋湯好飲呀。
回覆刪除所以大多數像我咁上下年紀的港人都喜歡…
刪除我都好中意飲羅宋湯,你既咁多料,一定好味!
回覆刪除草根西餐廳湯
刪除羅宋湯就係要多料至好飲呀!
刪除我都整過羅宋湯, 但好似無你咁多料, 我又可以參考你做法了。
回覆刪除謝謝分享。
謝謝你的分享,我敢信我這個湯是較接近傳統的港式做法!
刪除羅宋湯應該係最普通容易嘅湯水,但材料同份量不同,每人做出的味道可以相差幾大...
回覆刪除雖是每個人喜愛不同,但餐廳喝到味道大多都一樣,這就我所說的港式……
刪除餐廳的羅宋湯,也有好味同唔好味,味道夠濃好重要,有些餐廳做到很淡的味道,令人失望!
回覆刪除唔好味就只有兩種,一係啱啱煮好未入味唔夠濃,二就係湯底唔好!
刪除羅宋湯好多地方都有,但我估唔係間間好似你幅相咁足料。
回覆刪除要煮得好,餐廳就一定要學我的落料法,否則一飲就知!
刪除有時最普通的湯,都唔易煮得好飲,不過相信都難不到恕兄…
回覆刪除而中式湯水,相信最為人熟悉該是:青紅蘿蔔湯…哈哈
其實類似羅宋湯的中式湯水就大把人煲!
刪除我細個時候都唔知飲過幾多,就係番茄薯仔煲牛肉碎(係肉枱下欄,買會便宜好多),又或用來煲魚湯,味道真係好好!
唔覺得你煩,只係覺得你好犀利。只係一樣羅宋湯都研究得咁深入咁仔細,真係服你。
回覆刪除而家的帖子,如果是長篇大論就多數冇人睇,又或會說太厭煩了…謝謝你的了分享呀!
刪除哇 ~ 好有料!!
回覆刪除你客氣啊,謝謝!
刪除You are welcome!
回覆刪除