2018年11月30日星期五

牛扒,我會點煎?

 
 
 
 

  這盒牛扒已一早吃了,是之前的照片。


牛扒,我會點煎?

唔知點講,我好似好識揀牛扒,總之望落去就好似睇靚女,我一定唔會走漏眼。所以,我好矛盾好唔想行超市,因為容乜易定力唔夠變咗肥佬咁就慘喇!而且仲有一樣怕,就係驚個冰箱唔夠大?(笑咗)


閒話表過,言歸正傳,之前講到我煎牛扒效果很好,快熟和少流失血水就是賣點!

其實做法與西人差不多,我一樣用磨鹽和黑胡椒碎,但我會在臨煎前一分鐘,用少少生粉薄薄的抹在牛扒度……

還有一樣要講,就係牛扒上碟前,很多西餐廚師都會在這個時候放一小塊牛油落煎 pan 同牛扒略煮,十數秒後就贊酒,跟住拎起塊牛扒放喺隻碟,然後煮汁,個 fry pan 唔使洗,落少少喼汁同美極鮮醬油,煮到啲汁稍為企身就可以淋在牛扒上。而呢一個醬汁,亦係我所知嘅gravy 幾十年前的做法!




2 則留言:

  1. 轉咗頭像喎以為入錯屋添 ^_^
    喼汁同美極鮮醬油.......真係要試試多謝分享

    回覆刪除
  2. 因谷歌將會取消G+,所以咪求其搵返張相做個頭像…
    呢個汁真係好簡單㗎,而且味道又好!

    回覆刪除