2013年9月19日星期四

蘑菇忌廉湯

蘑菇忌廉湯

今日嗰一餐,真係好即興

點解會咁講,原因係行超市時見到三樣特價品,粟米雞,羊扒和蘑菇。


本來諗住煮西餐嘅,但因幾樣加埋都咪話唔嘥時間,況且又好耐都冇整過蘑菇湯,所以懶懶地做餐蘑菇湯算啦。喺以前,想飲,多數都係買罐頭返嚟,又或到外面嘅餐廳喝。再講,唔好以為自己做會平啲,其實買番嚟仲經濟得多;而家有隻粟米雞喺度,浸完仲可以用嗰啲雞水來煮,咁連雞湯都唔使買,你話係唔係又慳皮同好方便呢!

那麼羊扒又點整法?可能你會以為最簡單嘅做法梗係攞嚟煎啦,對是對,但因怕肥,我已甚少這樣來吃隨即做法是將羊扒拆骨去脂,起肉切片,來一碟"羊"肉炒時蔬。至於呢度啲羊肉真係好正,只係落少少豉油生粉糖醃調就已經嫩口。若然用蔬菜清炒,羶味或會略嫌過重,但如配以孜然(Cumin辣子和大蔥一道風味獨特的孜然羊肉,氣味芳香濃烈,與辣鹹香更加誘人脾胃只因我吃不得辣,唯有用其它肉類的炒法,來碟蠔油皇羊肉片炒黃牙白算罷!

以下是蘑菇湯的煮法

材料:
欖油 2 湯匙
洋蔥碎 2 湯匙
蘑菇 400
牛油 20~30
麵粉 4 湯匙
雞湯 1 公升
鮮忌廉 300 毫升
白酒 半杯
花奶 半杯
鹽,糖,黑胡椒,雞粉適量
番莞茜碎或中國莞茜碎少許(用來灑在湯上)




做法:
1.
)先將牛油自然軟化後,加入麵粉用手搓勻成一油麵團,這稱之為「法式麵撈」,待用。

2.
)大火燒熱湯鍋並下欖油,片刻後落洋蔥碎、蘑菇片、黑胡椒碎、海鹽,繼續炒多兩至三分鐘。因蘑菇水份重,最好能夠將水份煮乾些,然後贊酒,待酒煮至微乾,並聞到濃濃蘑菇香氣後,下雞湯,沸後轉中火煮約十分鐘。

3.
)落鮮忌廉,滾起後用中火熬煮,然後下適量的「法式麵撈」,為免起糊粒,要用湯拂快速的(邊滾邊搞)拌勻,直至湯的濃稠度適中,最後用手提攪碎機(blender)將湯內蘑菇攪爛,但不要太碎,仍要保留少量塊狀的蘑菇片,加花奶,待滾起後,調味,再煮數分鐘,即成。

相信大家都知道好的菜餚皆以"色香味"稱作,而這款湯我卻認為要做到"濃香滑"才算達到美味的效果,而那"濃香滑"兼備的蘑菇忌廉湯,當不比一杯出色的咖啡專美!


發佈於2013年4月17日下午10:06
公開累積瀏覽 646