炸青口與牛油曲奇

 

炸青口與牛油曲奇

昨天到超市逛，看到嗰啲青口好靚好大隻。

太太同我講，佢話好耐冇食過我炸嘅青口，同好耐都冇食過我整嘅牛油曲奇。講真，唔係唔想整，只係怕油炸會熱氣，曲奇士又高膽固醇。

既然佢都「炸哂型」，咁咪順下佢意，「炸型」變「炸物」咯！除炸青口外，我也炸了一種很好吃的瓜果，那露出綠色尖尖的就係嗰種俗稱意大利瓜的Zucchini。

除此之外，其實還有許多蔬果類可以用來作炸物，比如蕃薯、茄子、洋蔥圏、馬鈴薯、香芋、白蘿蔔……

至於炸生果，我想最多人吃的係菠蘿、香蕉和蘋果，如要吃得滋味，配雪糕就是必然選擇，再喞上鮮忌廉和淋些朱古力漿，咁就真係舔哂口水！

講到雪糕，一定有好多人知道有款甜品叫炸雪糕，但另一種炸甜品的甜品你又可曾聽過嗎？那些細路哥食到又肥又大份，唔好以為淨係炸薯條嘅「功勞」，呢樣嘢其實比炸薯條更勁，食完之後仲會好開心，你估係乜？Bingo，係炸朱克力！
炸青口的做法：
係外面吃到的炸青口，通常只得兩種處理方法。
1. 將青口用沸水略煮，待兩殼稍為將開，取肉並用脆漿來炸。
2. 將青口直接用尖刀開殼取肉，然後用脆漿生炸。

而我做的方法是有點不同，我會預先猛火燒熱窩子，下欖油、洋蔥碎，落青口並用一大杯白酒下窩，蓋煮片刻，然後取出那些殼子微張的青口，開殼取肉。

試想想用這些青口來炸，味道怎能與上面所講的相比呢！既可啖出鮮味無比的汁液，而且還能嚐到那醇醇白酒的清香，妙！

脆漿作法與份量：
麵粉八両，發粉四錢，生粉八錢，水約十二、三両和勻，後再混合生油一至両。

炸青口與牛油曲奇
發佈於2013年2月16日下午1:38
公開累積瀏覽 402